ဆေးရုံ၏ တည်နေရာ
ဇီဝိတ(jivita) ဒါန သံဃာ့ဆေးရုံကြီးသည် မန္တလေးမြို့ ၊ ချမ်းမြသာစည် မြို့နယ် ၊ သံလျှက်မော်တောင်ရပ်ကွက် (ကန်တော်ကြီး ၏ အနောက်ဘက်) (၃၉.၈၄)ဧက ကျယ်ဝန်းသော မြေနေရာပေါ်တည်ရှိပြီး လူနာကုသဆောင် (၃၂၇) ခုတင်ဆံ့ ဆေးရုံကြီးဖြစ်ပါသည်။
ဖွဲ့စည်းအုပ်ချုပ်ပုံ
၂၀၁၁ ခုနှစ် ၊ အောက်တိုဘာလ (၁၈)ရက်နေ့မှစတင်၍ ဇီဝိတ(jivita)ဒါန သံဃာ့ဆေးရုံကြီး ၊ ချမ်းမြသာစည် မြို့နယ် ၊ မန္တလေးမြို့ကို အောက်ဖော်ပြပါ ဖွဲ့စည်းပုံ အသစ်ဖြင့် ဖွဲ့စည်းစီမံ အုပ်ချုပ်လျက်ရှိပါသည်။
| (၁) | စီမံခန့်ခွဲရေးကော်မတီ | (၂၁) ဦး |
| (၂) | အလုပ်အမှုဆောင်ကော်မတီ | (၁၅) ဦး |
| (၃) | ဆေးကုသရေးနှင့် ဆေးနှင့်ဆေးပစ္စည်း ထိန်းသိမ်းရေးဆပ်ကော်မတီ | (၁၄) ဦး |
| (၄) | ဘဏ္ဍာရေးဆပ်ကော်မတီ | (၁၅) ဦး |
| (၅) | ဆောက်လုပ်ရေးနှင့် မွမ်းမံပြင်ဆင်ထိန်းသိမ်းရေး ဆပ်ကော်မတီ | (၈) ဦး |
| (၆) | ဝေယျာဝစ္စဆပ်ကော်မတီ | (၁၃) ဦး |
| (၇) | ဝန်ထမ်းရေးရာ ဆပ်ကော်မတီ | (၁၀) ဦး |
| (၈) | စာရင်းစစ်ဆေးရေးဆပ်ကော်မတီ | (၆) |
| (၉) | သီလရှင်ဆေးရုံကြီးကြပ်ရေး အမျိုးသမီးများဆပ်ကော်မတီ | (၁၄) ဦး |
လုပ်ငန်းဆောင်ရွက်ခဲ့မှု
၂၀၀၈ ခုနှစ် ၊ ဧပြီလ (၁၈) ရက်နေ့တွင် စတင်ဖွင့်လှစ်ခဲ့ပြီး မန္တလေး ၊ စစ်ကိုင်း ၊ နေပြည်တော် ၊ ရှမ်းပြည်နယ် တောင်ပိုင်း ၊ ရှမ်းပြည်နယ် မြောက်ပိုင်း ၊ မကွေး ၊ ကချင်ပြည်နယ် ၊ ရခိုင်ပြည်နယ် ၊ ဧရာဝတီ နှင့် ရန်ကုန်တိုင်းဒေသကြီး တို့မှ သံဃာတော်နှင့် သီလရှင်များသည် (၂၀၁၀)ခုနှစ်အတွင်း၌ အတွင်းလူနာ (၁၁၆၅)ပါးနှင့် ပြင်ပလူနာ (၁၀၅၄၇)ပါးတို့အား စောင့်ရှောက် ကုသပေးခဲ့ရပါသည်။