မြို့ရွာအနှံ့ ကျောင်းတိုက်ကြီးများ နှင့် လူမှုရေးအသင်း အသီးသီးက လွှဲပို့လာမည့် ကျန်းမာရေးမကောင်းမွန်သော သံဃာတော်/သီလရှင်များကို ဇီဝိတ(jivita)ဒါန သံဃာ့ ဆေးရုံကြီးက အထူးကုဆရာဝန်ကြီးများဖြင့် ကုသိုလ်ဖြစ် ဆက်လက်ဆောင်ရွက်ပေးနေသည့် သတင်းလွှာ။
Previous
Next
ဆောင်ရွက်နေသည့် အထူးကုလုပ်ငန်းရပ် (၁၇)ရပ်။
| ၁ | ဖျားနာအထူးကု | (တနင်္လာ) ၊ (သောကြာ) |
| ၂ | ရောဂါရှာဖွေရေးအထူးကု | (တနင်္လာ) ၊ (သောကြာ) |
| ၃ | ဓါတ်မှန် / အာထရာဆောင်း | (တနင်္လာ) ၊ (သောကြာ) |
| ၄ | ခွဲစိတ် အထူးကု | (တနင်္လာ) ၊ (ကြာသပတေး) |
| ၅ | မျက်စိအထူးကု | (တနင်္လာ) ၊ (ကြာသပတေး) |
| ၆ | မီးယပ်အထူးကု | (အင်္ဂါ) ၊ (သောကြာ) |
| ၇ | အရိုးအဆစ်အထူးကု | (အင်္ဂါ) ၊ (သောကြာ) |
| ၈ | အရေပြားအထူးကု | (ဗုဒ္ဓဟူး) ၊ (သောကြာ) |
| ၉ | အဆုတ်ရင်ခေါင်း | (ဗုဒ္ဓဟူး) |
| ၁၀ | ဦးနှောက် နှင့် အာရုံကြော | (ဗုဒ္ဓဟူး) |
| ၁၁ | နား ၊ နှာခေါင်း ၊ လည်ချောင်း | (ဗုဒ္ဓဟူး) |
| ၁၂ | အကြော / အဆစ် | (တနင်္လာ) ၊ (ဗုဒ္ဓဟူး) ၊ (သောကြာ) |
| ၁၃ | အစာအိမ်အူလမ်းကြောင်း | (သောကြာ) |
| ၁၄ | ကလေးရောဂါ(ကိုရင်-Monk Child) | (အင်္ဂါ) |
| ၁၅ | သွားနှင့်ခံတွင်း | (အင်္ဂါ) ၊ (ဗုဒ္ဓဟူး) ၊ (ကြာသပတေး) |
| ၁၆ | ဆီး နှင့် ကျောက်ကပ်-(ဖျားနာ) | (တနင်္ဂနွေ) |
| ၁၇ | ဆီး နှင့် ကျောက်ကပ်-(ခွဲစိတ်) | (ဗုဒ္ဓဟူး) |
၂၀၁၀ ခုနှစ်အတွင်း အများဆုံးလာရောက် ကုသကြသော အထူးရောဂါများ။
နံပါတ် | ရောဂါအမည် | သံဃာ | သီလရှင် |
| ၁ | ဖျားနာရောဂါ | ၄၃၅၉ | ၉၇၂ |
| ၂ | သွားနှင့်ခံတွင်း | ၁၃၅၀ | ၄၅၇ |
| ၃ | မျက်စိ | ၅၇၀ | ၂၁၉ |
| ၄ | ခွဲစိတ် | ၅၂၁ | ၉၄ |
| ၅ | အရိုးအဆစ် | ၅၁၀ | ၃၄၆ |
သံဃာ/သီလရှင်များ အတွင်းလူနာအဖြစ် ဆေးရုံတင်ရန်လမ်းညွှန်။
- သံဃာတော်များသည် ပြင်ပလူနာ (သံဃာ) တွင် မှတ်ပုံတင်ပါရမည်။ အတွင်းလူနာအဖြစ် တက်ရောက်ခွင့်ရရန် သာသနာဝင် မှတ်ပုံတင် ပါရှိရပါမည်။ မှတ်ပုံတင်မရရှိသေးပါက ရဟန်းဖြစ်ခဲ့ သည်မှာ (၂)ဝါပြည့်ပြီးဖြစ်ကြောင်း သက်ဆိုင်ရာ ဥက္ကဌ ဆရာတော်ထံမှ ထောက်ခံစာ (သို့မဟုတ်) သိမ်ဝင်ရက်ချုပ် ပါရှိရပါမည်။
- သီလရှင်များအနေဖြင့်လည်း သီလရှင် (၂)ဝါပြည့်ပြီး သက်ဆိုင်ရာ သီလရှင်ကျောင်းတိုက် ၊ ရိပ်သာများ၏ ထောက်ခံချက် ပါရှိရပါမည်။
- သာမဏေများသည် သက်ဆိုင်ရာ ဘုန်းတော်ကြီးကျောင်း စာသင်တိုက်တို့မှ ထောက်ခံစာပါရှိရမည်ဖြစ်ပြီး ၊ သာသနာဝင်အဖြစ် အနည်းဆုံး(၁)နှစ်ရှိရပါမည်။
ဆေးဝါး နှင့် Meal offering(ဆွမ်းကွမ်း) စရိတ်ကျခံခြင်း။
လာရောက်ဆေးကုသမှုခံယူကြသော နေမကောင်းသောသံဃာ ၊ သီလရှင်တို့အတွက် လိုအပ်သော ဆေးဝါး ၊ ဓါတ်ခွဲစမ်းသပ်မှု ၊ ရောဂါစစ်ဆေးမှု စရိတ်များကို ဆေးရုံကြီး၏ ရန်ပုံငွေမှသုံးစွဲကျခံပြီး ကုသဆောင်ရွက်ပေးလျက်ရှိသည်။
Previous
Next
ဆေးရုံတက်ရောက်ပြီး အတွင်းလူနာအဖြစ် လက်ခံကုသခြင်း။
- သမားတော်ကြီးများက စစ်ဆေးပြီးနောက် ခွဲစိတ်ကုသရန်လိုအပ်ခြင်း ၊ အထူးကြပ်မတ်ကုသရန်လိုအပ်ခြင်းတို့အတွက် ဆေးရုံတင်ပြီး ကုသပေးပါသည်။
- အသက်အရွယ်ကြီးရင့်ပြီး စောင့်ရှောက်ရန်လိုအပ်သော နေမကောင်းသော သံဃာ/သီလရှင်များအတွက် အစောင့်(၁)ဦး လိုက်ပါစောင့်ရှောက်ခွင့်ပြုပါသည်။
- လိုအပ်သည်များစစ်ဆေးပြီးနောက် ခွဲစိတ်ကုသရန်လိုအပ်ပါက သက်ဆိုင်ရာအထူးကုဆရာဝန်ကြီးနှင့် မေ့ဆေးဆရာဝန်ကြီးတို့က ခွဲစိတ်ကုသပေးပါသည်။
- ရောဂါသဘာဝကြီးမားခြင်း ၊ အဖွဲ့အစည်းဖြင့် ကုသရန်လိုအပ်ခြင်း ၊ ယခုဤဌာနတွင် မရှိသေးသောအထူးခွဲစိတ်ကုသခြင်း(ဥပမာ -နှလုံး၊အဆုတ်၊ဦးနှောက်)တို့အတွက် မန္တလေးပြည်သူ့ ဆေးရုံကြီးရှိ လိုအပ်သောဌာနများသို့ လွှဲပြောင်းကုသစေလိုပါသည်။
- ဇီဝိတ(jivita)ဒါန သံဃာ့ဆေးရုံကြီးတွင် ဆေးရုံအုပ်ကြီးနှင့် လက်ထောက်ဆရာဝန် (၁၄)ဦးက အလှည့်ကျတာဝန်ထမ်းဆောင်ပြီး ကျွမ်းကျင်သူနာပြုများဖြင့် (၂၄)နာရီ ဂရုတစိုက်ပြုစုစောင့်ရှောက်လျက်ရှိပါသည်။
- ထို့အတူ ပါမောက္ခချုပ်(၁)ဦး ၊ ပါမောက္ခ (၁၂)ဦး ၊ တွဲဖက် ပါမောက္ခ (၅)ဦးနှင့် အထူးကု ဆရာဝန်ကြီး (၅၈)ဦးတို့ကလည်း အထူးကုသရေးလုပ်ငန်းရပ်များတွင် လုပ်အားဒါန ၊ ပညာ ဒါန ပေးလှူလျက်ရှိကြပါသည်။
